ពេលឈ្លោះគ្នា ​ប្តីប្រពន្ធហាម ធ្វើរឿងទាំងនេះជាដាច់ខាត

https://s9.kh1.co/cf/cfc9bfe7c52e63bfd8937a8504ea4a51aac0d4c0.jpg
ជីវិត
 17-Nov-2022 4pm · 16 days ago

រាល់ពេលដែលឈ្លោះគ្នា ប្តីប្រពន្ធគ្រប់រូបហាមធ្វើរឿងទាំងអស់នេះជាដាច់ខាត ប្រសិនបើមិនចង់ឱ្យឆាប់បែកបាក់គ្នាលឿន។

យល់ដឹង៖ ការរួមរស់នៅជាមួយគ្នាជាប្តីប្រពន្ធ វាមិនងាយស្រួល ដូចជាកាលនៅជីវិតជាសង្សារនឹងគ្នានោះទេ ព្រោះវាតម្រូវឱ្យម្នាក់ៗ មានការអត់ធ្មត់ខ្លាំងជាងមុន នៅពេលដែលមានការឈ្លោះប្រកែកគ្នាម្តងៗ មិនមែនខឹង ឈ្លោះគ្នា ចង់បែកគ្នាស្រួលៗបាននោះទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដូច្នេះហើយ សម្រាប់មនុស្សពីរនាក់ដែលជាប្តីប្រពន្ធនឹងគ្នា បើមិនចង់ឱ្យកើតមានការបែកបាក់គ្នាទេនោះ ដាក់ខាតកុំធ្វើរឿងមួយចំនួន ដូចដែលបានរៀបរាប់នៅខាងក្រោមនេះ រាល់ពេលដែលឈ្លោះប្រកែកគ្នាឱ្យសោះ ព្រោះវាអាចជារឿងដែលធ្វើឱ្យប្តីប្រពន្ធបែកបាក់គ្នា ដោយគ្មានថ្ងៃត្រលប់មកត្រូវរ៉ូវគ្នាវិញបាន។

ពេលឈ្លោះគ្នា​ ប្តីប្រពន្ធហាមធ្វើរឿងទាំងនេះជាដាច់ខាត៖

១. ហាមលើកកំហុសចាស់ឡើងមក

https://s9.kh1.co/__image/w=650,h=813,q=100/29/29ca2da3f9143cfd9937f172af1e9a7371112d59.jpg

ប្តីប្រពន្ធណាដែលថាមិនធ្លាប់មានបញ្ហា ឬឈ្លោះប្រកែកគ្នានោះ គ្រាន់តែគេមិនធ្វើឱ្យបញ្ហាដែលកើតមានឡើង កាន់តែធំទៅ​ ទើបគេឆាប់ត្រូវរ៉ូវគ្នាវិញ ដូច្នេះបើមិនចង់ឱ្យការឈ្លោះប្រកែកគ្នារវាងប្តីប្រពន្ធ ឈានដល់ការបែកបាក់គ្នាទេនោះ រាល់ពេលដែលឈ្លោះគ្នា មិនថាប្តីឬប្រពន្ធ ដាច់ខាតមិនត្រូវលើកកំហុសចាស់ឡើងមកដដែលៗនោះទេ ធ ព្រោះការលើកកំហុសចាស់ឡើងមក ដូចយកសាំងចាក់លើភ្លើងដែលកំពុងឆេះអញ្ចឹង។

២. ហាមដេកបែកបន្ទប់គ្នា

https://s9.kh1.co/__image/w=650,h=650,q=100/c0/c01c9caff580b86a9048038eea568800ee6e699c.jpg

ប្តីប្រពន្ធអាចឈ្លោះគ្នា អាចខឹងគ្នាបាន តែដាច់ខាតមិនត្រូវដេកបែកបន្ទប់គ្នាជាដាច់ខាត ព្រោះថាយប់ឡើង ជាពេលវេលាដ៏ល្អដែលប្តីប្រពន្ធអាចផ្សះផ្សាររវាងគ្នាបាន តែបើម្នាក់ៗនៅខឹងគ្នា ហើយដេកបែកបន្ទប់គ្នាទៀត គឺមានតែធ្វើឱ្យបញ្ហាដោះស្រាយមិនបាន ដូច្នេះពេលឈ្លោះគ្នា ប្តីប្រពន្ធកុំធ្វើចិត្តខ្លាំង ដើរចេញពីបន្ទប់ឱ្យសោះ បើមិនចង់ឱ្យឆាប់បែកបាក់គ្នា។

៣. ហាមនិយាយពាក្យថា«លែង»គ្នា

https://s9.kh1.co/__image/w=564,h=847,q=100/89/89b9560cdf692cf8815b9979cc1aa743390b9d96.jpg

ជីវិតគូណា ដែលថាមិនចេះឈ្លោះប្រកែកគ្នានោះ ហើយការឈ្លោះប្រកែកគ្នារវាងប្តីប្រពន្ធ វាក្លាយទៅជារឿងធម្មតាទៅហើយសម្រាបជីវិតគូ ដែលតម្រូវឱ្យប្តីប្រពន្ធ ចេះរួបរួមដោះស្រាយបញ្ហាដែលកើតមានក្នុងជីវិតគូ មិនមែនរាល់ពេលឈ្លោះគ្នាម្តងៗ អាងតែនិយាយពាក្យលែងលះដាក់គ្នានោះទេ ព្រោះនៅពេលដែលឈ្លោះគ្នា ម្នាក់ៗសុទ្ធតែចង់ឈ្នះរៀងខ្លួន ហើយបើនិយាយពាក្យនេះចេញមកទៀត គឺច្បាស់ជាធ្វើឱ្យប្តីប្រពន្ធ បែកបាក់គ្នាបានដោយងាយ៕

Kong Sokmetheany
T.N

អត្ថបទទាក់ទង