យល់ដឹង៖ នៅពេលនិយាយអំពីការបញ្ឈប់ការងារ មិនថាវាជារឿងរបស់អ្នកស្គាល់គ្នា ឬបុគ្គលិកបច្ចេកវិទ្យារាប់រយពាន់នាក់នៅសហរដ្ឋអាមេរិកនោះទេ មនុស្សភាគច្រើនមានអាកប្បកិរិយាអវិជ្ជមានតាមបែបផ្សេងគ្នា។ ភាគច្រើនបានរិះគន់ក្រុមហ៊ុន ដោយបង្ហាញពីការព្រួយបារម្ភ កំហឹង និងការភ័យស្លន់ស្លោ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ អាកប្បកិរិយានេះមិនមែនជាអ្វីដែលត្រូវថ្កោលទោសនោះទេ ប៉ុន្តែវាបង្ហាញថា មនុស្សជាច្រើនមិនយល់ពីការបញ្ឈប់ការងារឲ្យបានល្អ។ ពួកគេគ្រាន់តែមានអារម្មណ៍បណ្តោះអាសន្នប៉ុណ្ណោះ ដោយគ្មានការរៀបចំសម្រាប់អនាគត។
ប៉ុន្តែប្រសិនបើអ្នករៀបចំ ៥ ចំណុចខាងក្រោមនេះ ទោះបីអ្នកធ្លាក់ក្នុងស្ថានភាពដ៏អាក្រក់បំផុតនៃការបណ្តេញចេញពីការងារក៏ដោយ អ្នកនឹងនៅតែអាចយកឈ្នះវាបាន។
១.អ្វីដែលសំខាន់គឺអាកប្បកិរិយា
ក្នុងដំណាក់កាលនេះ អ្វីដែលសំខាន់បំផុតមិនចាញ់ គឺចិត្តគំនិត។ ព្រោះជាធម្មតា ចិត្តរបស់មនុស្សគ្រប់រូបនឹងត្រូវបង្ខូចទ្រង់ទ្រាយដោយការភ័យខ្លាច និងកំហឹង។ ដោយសារតែអ្នកបារម្ភពីការបណ្តេញចេញ បារម្ភរកការងារមិនសមរម្យ និងខឹងនៅពេលអ្នកដឹងថា ត្រូវលាឈប់បន្ទាប់ពីលះបង់ច្រើនឆ្នាំ ជារៀងរាល់ថ្ងៃអ្នកតែងតែជេរក្រុមហ៊ុនដោយស្ងៀមស្ងាត់ដោយមិនចាត់វិធានការណាមួយដើម្បីប្រឈមមុខនឹងវា។ ដូច្នេះតើអ្វីទៅជាឥរិយាបថការងារល្អនិងវិជ្ជាជីវៈ? វាគឺដើម្បីផ្គូផ្គងសមត្ថភាពផ្ទាល់ខ្លួនរបស់អ្នកជាមួយនឹងផលប្រយោជន៍របស់ក្រុមហ៊ុន។ នៅពេលដែលអ្នកមានបទពិសោធន៍ និងមានការលះបង់ច្រើនចំពោះក្រុមហ៊ុន ឱកាសនៃការបណ្តេញចេញនឹងកាន់តែទាប។ ទោះបីជាអ្នកត្រូវបានគេបណ្តេញចេញក៏ដោយ អ្នកនៅតែមានលក្ខណៈសម្បត្តិគ្រប់គ្រាន់ក្នុងការស្វែងរកការងារល្អជាងនេះ បើទោះបីជាមានប្រាក់ចំណូលខ្ពស់ជាងក៏ដោយ។
២.តស៊ូដើម្បីសិទ្ធិស្របច្បាប់របស់អ្នក
ស្វែងយល់ឲ្យលម្អិតពេញលេញអំពីសំណងនៃការបញ្ឈប់របស់អ្នក។ ភាពក្លាហានបន្តិច សួរបន្តិច អ្វីទាំងអស់នឹងជួយឲ្យដំណើរការចែកផ្លូវរបស់អ្នកជាមួយក្រុមហ៊ុន ប្រព្រឹត្តទៅបានយ៉ាងឆាប់រហ័ស និងស្របតាមបទប្បញ្ញត្តិ។ តាមពិតទៅ Boss ក៏មិនចង់ឲ្យបុគ្គលិកដែលហៀបនឹងចាកចេញទៅបង្កបញ្ហាទៀតដែរ ដូច្នេះនៅពេលនិយាយ គួរនិយាយដោយត្រង់ៗ ដោយតែមានទំនុកចិត្ត និងក្លាហានធ្វើសំណើសមហេតុផលរបស់អ្នក។
៣.កុំជាប់ក្នុងជម្លោះគ្មានន័យ
បន្ទាប់ពីដឹងអំពីសំណងហើយ បើចង់បានចំនួនច្រើន ទាមទារកាន់តែច្រើន ប៉ុន្តែក្រុមហ៊ុនមិនអាចបំពេញបាន វាពិតជាមានហានិភ័យនៃជម្លោះ ឬបណ្តឹង។ ព្យាយាមមើលថា តើអ្នកអាចចំណាយលើការចំណាយដែលពាក់ព័ន្ធ ឬទេ? រវាងការចំណាយពេលច្រើនខែ ការខ្ជះខ្ជាយថាមពល និងអារម្មណ៍ ត្រូវចំណាយប្រាក់ច្រើន ដើម្បីបន្តជម្លោះ ហើយឆាប់រៀបចំការងារបន្ទាប់ ដែលចំណេញច្រើនជាងនេះ អ្នកគឺជាអ្នកដែលដឹងច្បាស់បំផុត។
ជាការពិតណាស់ មនុស្សគ្រប់រូបនឹងគាំទ្រអ្នក ដែលស្វែងរកសិទ្ធិ និងផលប្រយោជន៍ស្របច្បាប់ដោយក្លាហាន។ ប៉ុន្តែពេលខ្លះអ្នកក៏ត្រូវពិចារណាផងដែរ ថាតើការចំណេញ និងការខាតបង់រយៈពេលវែងគឺមានតម្លៃវាដែរឬទេ។ ប្រហែលជាអ្នកនឹងទទួលបានប្រាក់សំណងច្រើនជាងនេះបន្តិច ប៉ុន្តែផ្ទុយទៅវិញ នៅប៉ុន្មានខែនោះ អ្នកបានខកខានឱកាសការងារល្អមួយទៅហើយ។ មួយទៀតប្រសិនបើអ្នក រុញចៅហ្វាយរបស់អ្នកចូលទៅជ្រុងមួយ មនុស្សនឹងធ្វើអ្វីមួយដើម្បីយកវាមកវិញ។ ស្តាប់ទៅដូចជាពិបាកបន្តិច ប៉ុន្តែជាការពិត ធ្លាប់តែឮរឿងបែបនេះ បុគ្គលិកម្នាក់បន្ទាប់ពីត្រូវគេបណ្តេញចេញ បានពឹងលើល្បិចរបស់ខ្លួន ដើម្បីរកប្រាក់បានយ៉ាងច្រើន។ ប៉ុន្តែបន្ទាប់មក បុគ្គលិកនោះលែងអាចរកការងារផ្សេងទៀតក្នុងឧស្សាហកម្មនេះទៀតហើយ។
៤.វាយតម្លៃខ្លួនឯងឡើងវិញក្នុងទីផ្សារការងារ
ជាក់ស្តែងគ្រប់គ្នាចង់បានប្រាក់ខែខ្ពស់នៅពេលស្វែងរកការងារថ្មី។ ប៉ុន្តែមុននោះ តើអ្នកធ្លាប់ពិនិត្យមើលតម្លៃខ្លួនឯង និងស្ថានភាពការងារក្នុងវិស័យរបស់អ្នកឲ្យបានហ្មត់ចត់ទេ? ចូរចាប់ផ្តើមជាមួយនឹងសំណួរខាងក្រោម៖
«តើអ្វីជាអត្រាកំណើននៃឧស្សាហកម្មរបស់អ្នក?» «តើសមត្ថភាពរបស់អ្នកក្នុងការបង្កើតតម្លៃ កើនឡើង ឬថយចុះពីមុនទេ?» «តើវិជ្ជាជីវៈរបស់អ្នកនៅតែក្តៅមែនទេ?»
ប្រហែលជាការងាររបស់អ្នកផ្តោតលើកាលពីអតីតកាល ដូច្នេះវាទទួលបានផលល្អ ប៉ុន្តែក្នុងគ្រាដ៏ច្របូកច្របល់ដូចជាថ្ងៃនេះ អ្នកត្រូវផ្លាស់ប្តូរវិធីដែលអ្នកវាយតម្លៃ។ ដើម្បីឲ្យកាន់តែមានគោលបំណង អ្នកត្រូវតែស្វែងរកព័ត៌មាននៅលើទីផ្សារនេះសិន។ ឧទាហរណ៍៖ និយាយជាមួយមនុស្សនៅក្រុមហ៊ុនផ្សេងៗក្នុងឧស្សាហកម្មនេះ ប្រាក់ខែរបស់ពួកគេធៀបនឹងដើម បានកើនឡើង ឬថយចុះ ឬនៅដដែល។
៥.ស្វែងរកការងារថ្មីបានលឿន
ជំហានបន្ទាប់មិនពិបាកស្មានទេ ពោលគឺស្វែងរកការងារត្រឹមត្រូវឲ្យបានលឿន។ ដោយសារតែសូម្បីតែរលកនៃការបញ្ឈប់ការងារកំពុងកើតឡើងក៏ដោយ ក៏មានក្រុមហ៊ុនជាច្រើនដែលជួលមនុស្ស ព្រោះវាមិនងាយស្រួលទេក្នុងការស្វែងរកបុគ្គលិកដែលសក្ដិសមនឹងតម្រូវការការងារ និងវប្បធម៌របស់ក្រុមហ៊ុននោះទេ។ រវាងការស្វែងរកបេក្ខជននៅលើកម្មវិធីជ្រើសរើសបុគ្គលិក ឬគេហទំព័រ និងប្រវត្តិរូបដែលណែនាំដោយអ្នកស្គាល់គ្នា នាយកដ្ឋានធនធានមនុស្សនឹងផ្តល់អាទិភាពដល់មធ្យោបាយទីពីរ។ នេះគឺជាពេលវេលាដើម្បីទាញយកប្រយោជន៍ពីទំនាក់ទំនងជុំវិញខ្លួន ដូចជាមិត្តភក្តិ មិត្តរួមការងារ ឬចៅហ្វាយរបស់អ្នក។ ជាថ្មីម្តងទៀត ត្រូវមានភាពក្លាហានក្នុងការណែនាំខ្លួនឯង ហើយអនុញ្ញាតឲ្យមនុស្សណែនាំអ្នកដល់អ្នកដទៃ។ ពេលសម្ភាសន៍នៅកន្លែងថ្មី កុំនិយាយអាក្រក់ពីក្រុមហ៊ុនចាស់ ឬចៅហ្វាយចាស់របស់អ្នក។ ព្រោះអ្នកសម្ភាសន៍នឹងគិតយ៉ាងងាយថា ទាំងនេះជាពាក្យតែម្ខាង ដោយវាយតម្លៃថាអារម្មណ៍របស់អ្នកមិនស្ថិតស្ថេរ មិនមានភាពចាស់ទុំគ្រប់គ្រាន់។ ហើយសំខាន់ជាងនេះទៅទៀត គ្មាននរណាម្នាក់ចង់ទទួលយកនរណាម្នាក់ដែលតែងតែត្អូញត្អែរ និងមិនពេញចិត្តនោះទេ។
ជាចុងបញ្ចប់ នៅក្នុងរលកនៃការបញ្ឈប់ការងារ គ្មានអ្វីដែលត្រូវខ្មាសអៀនទេ ប្រសិនបើអ្នកជាប់។ ទីមួយវាជាស្ថានភាពទូទៅ។ ទីពីរមិនមែនមកពីអ្នកគ្មានសមត្ថភាពទេ។ អ្នកត្រូវតែជឿជាក់លើខ្លួនឯងច្រើនជាងនរណាម្នាក់ អ្វីដែលអ្នកអាចធ្វើបានគឺបង្ហាញពីតម្លៃរបស់អ្នក និងបង្ហាញពីសមត្ថភាពរបស់អ្នកនៅក្នុងទីផ្សារការងារ។
ប្រភព៖ kenh14
Bong I.T