កម្ពុជាក្លាយជាប្រទេសនាំអង្ករចេញ(ទាំងស្រូវនិងអង្ករ) លេខរៀងទី៧ នៅលើពិភពលោក

ភ្នំពេញ៖ កម្ពុជាក្លាយជាប្រទេសនាំអង្ករចេញ(ទាំងស្រូវនិងអង្ករ) លេខរៀងទី៧លើពិភពលោក នៅឆ្នាំ ២០២៣/២០២៤ នេះបើយោងតាមការបង្ហោះ នៅលើ ផេកផ្លូវការរបស់ឯកឧត្តមបណ្ឌិត យ៉ង់ សាំងកុមារ រដ្ឋលេខាធិការ ក្រសួងកសិកម្ម រុក្ខាប្រមាញ់និងនេសាទ។

តាមប្រភពដដែល ខាងលើឯកឧត្តមបណ្ឌិត បានបន្ថែមទៀត នៅក្នុងរយ:ពេល៤ ខែឆ្នាំ ២០២៤ នេះបរិមាណនាំចេញកើនឡើងថែមជាង ៣០ ភាគរយបើធៀបទៅនឹងរយៈពេល៤ខែដូចគ្នានៅឆ្នាំ ២០២៣ ដោយក្នុងមួយឆ្នាំកម្ពុជាកម្ពុជាផលិតស្រូវបានជាង ១២ លានតោន ឬជាង ៧លានតោនអង្ករ ដែលលើសពីតំរូវការក្នុងស្រុកប្រមាណ ៥០ ភាគរយ។

ទៀតសោត វិស័យស្រូវអង្ករកម្ពុជាមិនត្រឹមតែជោគជ័យក្នុងការផលិតស្បៀងសម្រាប់ធានាបានសន្តិសុខស្បៀងជូនជាតិទេគឺថែមទាំងចូលរួមចំណែកដល់សន្តិសុខស្បៀងពិភពលោក ដែលគោលដៅទៅមុខរបស់យើងគឺបន្តធានាសន្តិសុខស្បៀងប្រកបដោយនិរន្តរភាពសេដ្ឋកិច្ចនិងបរិស្ថាន ជាពិសេសគាំទ្រឲ្យមានការបង្កើនប្រាក់ចំណូលជូនកសិករអ្នកផលិតស្បៀង៕

ប្រភព៖ Yang Saing Koma