យល់ដឹង៖ មនុស្សស្រីគ្រប់រូបត្រូវចងចាំថា គ្មានអ្នកណាម្នាក់អាចមកធ្វើបាបចិត្តអ្នកបានឡើយ ប្រសិនបើអ្នកមិនបណ្តោយឱ្យមនុស្សដែលចង់ធ្វើបាបចិត្តអ្នក ធ្វើបាបអ្នកតាមចិត្តនោះ ម្យ៉ាងអារម្មណ៍និងចិត្ត វាជារបស់អ្នក គ្មានអ្នកណាមានសិទ្ធ ក្រៅពីខ្លួនអ្នកឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដូច្នេះហើយ ស្រីៗ បើមិនចង់ឱ្យគេធ្វើបាបចិត្តអ្នកបាន ដាច់ខាតត្រូវប្រាប់ខ្លួនឯងថាកុំធ្វើរឿងមួយចំនួន ដូចដែលបានរៀបរាប់នៅខាងក្រោមនេះឱ្យសោះ បើមិនអញ្ចឹងទេ មួយជីវិតនេះ អ្នកគ្មានសិទ្ធធ្វើឱ្យខ្លួនឯងរស់នៅក្នុងសេចក្តីសុខបានឡើយ។
ស្រីៗ បើមិនចង់ឱ្យគេធ្វើបាបចិត្ត កុំធ្វើរឿងទាំងនេះ៖
១. ស្រលាញ់គេជាងស្រលាញ់ខ្លួន
![រូបតំំណាង](https://s9.kh1.co/__image/w=564,h=564,q=100/59/591a6017acbf00026d0987efa2ec43beb797ba88.jpg)
បើមិនចង់ឱ្យអ្នកណាម្នាក់ មានឥទ្ធិពលមកលើសេចក្តីសុខអ្នកបាន ដាច់ខាតអ្នករាល់គ្នាមិនត្រូវស្រលាញ់គេជាងស្រលាញ់ខ្លួនឯងនោះទេ ព្រោះនៅពេលដែលអ្នកស្រលាញ់អ្នកណាម្នាក់ខ្លាំងជាងស្រលាញ់ខ្លួនឯង អ្នកនឹងបណ្តោយឱ្យគេធ្វើបាបចិត្តអ្នកបានដោយមិនដឹងខ្លួន។
២. រំពឹងអ្វីមួយពីអ្នកណាម្នាក់
![រូបតំំណាង](https://s9.kh1.co/__image/w=563,h=646,q=100/2a/2a22d7fc50da99b8bd3c76d78b87befac2874fb9.jpg)
មនុស្សយើងម្នាក់ៗ កាន់តែមានការរំពឹងទុកខ្ពស់ ការខកចិត្តដែលទទួលបានក៏ខ្លាំងដូចគ្នា ហេតុនេះ បើមិនចង់ឱ្យអ្នកណាម្នាក់ មកធ្វើជាហេតុផលដែលអ្នកត្រូវខកចិត្ត និងឈឺចាប់ទេនោះ កុំមានការរំពឹងអ្វីមួយពីអ្នកណាម្នាក់ឱ្យសោះ ព្រោះពេលខ្លះ សូម្បីតែខ្លួនអ្នករំពឹងលើខ្លួនឯង ក៏ត្រូវខកចិត្តដែរ។
៣. រស់នៅក្នុងអតីតកាល
![រូបតំំណាង](https://s9.kh1.co/__image/w=564,h=705,q=100/99/99c1130afcc436f2e055fd91384b0956369edf5b.jpg)
រឿងរ៉ាវដែលកើតមានពីអតីតកាល មនុស្សដែលនៅក្នុងអតីតកាល គ្រប់យ៉ាងគឺបានផ្លាស់ប្តូរទៅតាមពេលវេលាអស់ទៅហើយ កុំរំលឹកឬរស់នៅក្នុងអតីតកាលដែលបានកន្លងហួសទៅ ព្រោះគ្មានអ្នកណាម្នាក់ មកធ្វើឱ្យអ្នកមានអារម្មណ៍មិនល្អ ចំពោះរឿងអតីតកាលរបស់អ្នកបានឡើយ ប្រសិនបើអ្នកមិនរស់នៅក្នុងអតីតកាលនោះ។
៤. រំលឹករឿងឈឺចាប់ឡើងមក
![រូបតំំណាង](https://s9.kh1.co/__image/w=564,h=705,q=100/a9/a9cc6a2d755bad5e4343ec139c742751e60e1ff0.jpg)
រឿងណាដែលឈឺចាប់ ចាត់ទុកថាជាមេរៀនមួយ ហើយកុំរំលឹករឿងទាំងនោះឡើយមកទៀត ចាត់ទុកថាវាជាបទពិសោធន៍ជីវិត ដែលត្រូវរៀនសូត្រ ព្រោះមនុស្សម្នាក់ៗត្រូវឆ្លងកាត់វា ដើម្បីធ្វើឱ្យជីវិតមានការរីកចម្រើនទៅមុខ ហេតុនេះ អ្នកណាក៏មិនអាចមកធ្វើបាបចិត្តអ្នកបានដែរ បើអ្នកចេះជ្រើសរើសយកក្តីសុខខ្លួនឯងជាចម្បង៕