កម្សាន្ត៖ អស់ជាច្រើនឆ្នាំមកនេះ រឿងជាច្រើនត្រូវបានចែករំលែកអំពី Lisa សមាជិកក្រុម BLACKPINK តាំងពីថ្ងៃដែលនាងចូលធ្វើជាអ្នកហ្វឹកហាត់ ដោយខ្លះមានភាពកក់ក្ដៅ និងខ្លះទៀតមានរឿងសោកសៅក៏មានដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![Lisa](https://s9.kh1.co/__image/w=564,h=749,q=100/9e/9ebcd8dc25bc70918d1689f3c32e5cd975d3da8a.png)
យ៉ាងណាមិញ ទម្រាំជោគជ័យ មានឈ្មោះល្បីជាសកលដូចសព្វថ្ងៃ Lisa ពិតជាបានជួបរឿងជាច្រើន។ ហើយខាងក្រោមនេះ គឺជារឿងចំនួន ៤ ចាប់តាំងពីថ្ងៃចូលធ្វើជាអ្នកហ្វឹកហាត់របស់ Lisa ដែល BLINK ទាំងអស់ (អ្នកគាំទ្ររបស់ BLACKPINK) ត្រូវតែស្តាប់ និងគួរតែដឹងផងដែរ។
១.សមាជិករួមក្រុម បានជួយ Lisa យ៉ាងច្រើន នៅពេលនាងក្លាយជាអ្នកហ្វឹកហាត់
![Lisa](https://s9.kh1.co/__image/w=650,h=975,q=100/0e/0e3ad3828113752ad4856d471f8688bdea9bfdf0.jpg)
នៅពេលដែល Lisa ក្លាយជា Trainee ហើយបានផ្លាស់ពីប្រទេសថៃទៅកូរ៉េខាងត្បូង នាងជួបប្រទះនឹងការលំបាកមួយចំនួន។ Lisa បានសារភាពថា នាងមានការនឹករលឹកដល់ផ្ទះនៅប៉ុន្មានខែដំបូងជាខ្លាំង ក្នុងនាមជា Trainee ហើយនាងតែងតែទូរស័ព្ទទៅម្តាយរបស់នាង ហើយយំ។ ជាសំណាងល្អ Lisa អាចកែសម្រួលបានយ៉ាងលឿន ហើយនេះជាការ អរគុណដល់សមាជិក BLACKPINK ។ ដោយសមាជិករួមក្រុម តែងតែទាក់ទងជាមួយ Lisa ហើយសួរថា តើនាងចង់ចេញទៅក្រៅជាមួយពួកគេដែរឬទេជាដើម។ ខណៈពេលដែល Lisa នៅតែនឹកឪពុកម្តាយរបស់នាង ការនៅជាមួយសមាជិកក្រុម ជួយធ្វើឲ្យនាងកាន់តែស៊ូទ្រាំ។
២.Lisa ជាក្រុម Knight របស់ BLACKPINK ក្នុងការធ្វើអ្នកការពារ នៅឯបន្ទប់ស្នាក់នៅចាស់របស់ពួកគេ
![Lisa](https://s9.kh1.co/__image/w=650,h=975,q=100/e6/e68dbef06fda4a04fb55ccaf678c366976f66234.jpg)
ក្នុង ២៤ម៉ោង/៣៦៥ ថ្ងៃ ជាមួយ BLACKPINK សមាជិក BLACKPINK បានបង្ហាញថាពួកគេតស៊ូច្រើនណាស់ នៅពេលពួកគេជាសិក្ខាកាម។ សមាជិកទាំងនោះ ស្ទើរតែគ្មានលុយសម្រាប់ញ៉ាំអាហារទេ ហើយផ្ទះស្នាក់ចាស់របស់ពួកគេ ថែមទាំងមានសត្វល្អិតចូលទៀត។ Jennie ធ្លាប់និយាយថា «យើងធ្លាប់រស់នៅជាមួយសត្វកន្លាត!»។ ហើយ Lisa ជាមនុស្សម្នាក់ ដែលតែងតែចាប់និងកម្ចាត់សត្វល្អិតទាំងនោះជាធម្មតា ព្រោះសមាជិកផ្សេងទៀតខ្លាចខ្លាំងពេក។
៣.Lisa ទទួលបានអ្វីៗគ្រប់យ៉ាងក្នុងនាមជាអ្នកហ្វឹកហាត់
![Lisa](https://s9.kh1.co/__image/w=650,h=975,q=100/05/05400d777c4e4e2da6982a305db6b27a7c639d00.jpg)
បើតាមអ្នកស្រី Caroline Suh ដែលជាអ្នកដឹកនាំរឿង Netflix របស់ BLACKPINK ភាពយន្តឯកសារ BLACKPINK: Light Up The Sky បាន ចែករំលែកថា Lisa មានបុគ្គលិកលក្ខណៈភ្លឺស្វាង ហើយសមាជិកមិត្តរួមក្រុមរបស់នាងកោតសរសើរនាងយ៉ាងខ្លាំង។
៤.Lisa ធ្លាប់ជាប់គាំងនៅក្នុងបន្ទប់ក្រោមដីរបស់ YG Entertainment
![Lisa](https://s9.kh1.co/__image/w=640,h=960,q=100/1e/1e4fd89a20517407cb392ae075e62a29447954e1.jpg)
នៅក្នុងវគ្គមួយនៃ Youth With You 3 អ្នកណែនាំសំឡេង Li Ronghao បានសួរពីអ្វីដែលគ្រប់គ្នាកំពុងធ្វើនៅអាយុ ១៨ ឆ្នាំ ហើយ Lisa បានផ្តល់ចម្លើយដោយស្មោះត្រង់។ នាងនិយាយថា «តើពេលណាខ្ញុំមានអាយុ ១៨ ឆ្នាំ? តាមពិតទៅ ខ្ញុំបានបង្ហាញខ្លួនដំបូងនៅពេលខ្ញុំមានអាយុ ២០ ឆ្នាំ។ ដូច្នេះនៅពេលដែលខ្ញុំមានអាយុ ១៨ ឆ្នាំ ខ្ញុំបានជាប់គាំងនៅក្នុងបន្ទប់ក្រោមដីរបស់ក្រុមហ៊ុន ដោយធ្វើការហ្វឹកហាត់»។
ប្រភព៖ koreaboo