សង្គម៖ ពិតណាស់ប្រទេសកម្ពុជា គឺជាប្រទេសមួយស្ថិតនៅផ្នែកខាងត្បូងនៃឧបទ្វីបឥណ្ឌូចិន ក្នុងអនុតំបន់អាស៊ីអាគ្នេយ៍។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រទេសកម្ពុជា ជាប្រទេសមួយដែលមានប្រវត្តសាស្ត្រដ៏យូរអង្វែងណាស់ហើយមក។ ហើយក៏ជាប្រទេសមួយដែលសម្បូរទៅដោយភោគទ្រព្យទេសចរណ៍ធម្មជាតិជាច្រើនកន្លែងផងដែរ មានទាំងព្រៃឈើ សត្វព្រៃ ជ្រលងភ្នំ ទឹកជ្រោះ ទឹកផុស ទឹកពុះ (តេទឹកពុះ នៅខេត្តកំពង់ស្តឺ) ដងទន្លេសាប ទន្លេមេគង្គជាដើម។
មិនតែប៉ុណ្ណោះ ប្រទេសកម្ពុជាក៏ជាប្រទេសមួយដែលសំបូរទៅដោយភោគទ្រព្យទេសចរណ៍ប្រវត្តិសាស្រ្ត និងវប្បធម៌រួមមាន មណ្ឌលអង្គរ មានប្រាសាទអង្គរវត្ត អង្គរធំ និងប្រាសាទដទៃទៀតដែលជាតំបន់ទាក់ទាញភ្ញៀវទេសចរណ៍យ៉ាងសំខាន់ជាងគេនៅកម្ពុជា ។
ប្រាសាទទាំងនេះកំពុងទទួលការថែរក្សាជួសជុលក្រោមកិច្ចសហកាជាមួយអាជ្ញាធរខេត្ត អាជ្ញាធរអប្សរា និងអង្គការយូនីស្កូ ។មួយវិញទៀត សារមន្ទីរជាតិគុកទួលស្លែង និងជើងឯកតំបន់អន្លង់វែងក៏ជាតំបន់ទេសចរណ៍ប្រវត្តិសាស្រ្ត និងវប្បធម៌នៃប្រទេសកម្ពុជាផងដែរ ។
ថ្មីនេះៗ តំបន់ទេសចរណ៍ទាំងនោះ ត្រូវបានដាក់បញ្ចូលជាសម្បត្តិបេតិភណ្ឌរបស់កម្ពុជា ក្នុងបញ្ជីបេតិកភណ្ឌវប្បធម៌ពិភពលោក ក្រោមការកត់ត្រាក្នុងបញ្ជីរបស់អង្គការយូណេស្កូ៖
១. តំបន់ប្រាសាទកោះកេរ ចុះបញ្ជីបេតិកភណ្ឌពិភពលោកនៅថ្ងៃទី ១៧ ខែកញ្ញា ឆ្នាំ២០២៣ នៅទីក្រុងរីយ៉ាដប្រទេសអារ៉ាប៊ីសាអូឌីត។
២. រមណីយដ្ឋានអង្គរ ចុះបញ្ជីបេតិកភណ្ឌពិភពលោក នៅថ្ងៃទី១៤ ខែធ្នូ ឆ្នាំ១៩៩២ នៅទីក្រុងសាន់តាហ្វេ សហរដ្ឋអាមេរិក។
៣. តំបន់ប្រសាទព្រះវិហារ ចុះក្នុងបញ្ជីបេតិកភណ្ឌពិភពលោក នៅថ្ងៃទី ៧ ខែកក្កដា ឆ្នាំ ២០០៨ នៅទីក្រុងកេបិក ប្រទេសកាណាដា។
៤. តំបន់ប្រាសាទសំបូរព្រៃគុក ចុះក្នុងបញ្ជីបេតិកភណ្ឌពិភពលោក នៅថ្ងៃទី ៨ ខែកក្កដា ឆ្នាំ ២០១៧ នៅទីក្រុងក្រាកូវ ប្រទេសប៉ូឡូញ។