ហ្វេនភ្ញាក់ផ្អើល សុខៗឃើញតារា Kpop រូបនេះ​ មានវត្តមានក្នុងរឿងហូលីវូដ

កម្សាន្ត៖ កាលពីពេលថ្មីៗនេះ អតីតតារាចម្រៀងស្រីម្នាក់ Yunjee Kim ជាតារាចម្រៀង Kpop Solo ជំនាន់ទី២ កាលពី១០ឆ្នាំមុន បានធ្វើឲ្យអ្នកគាំទ្រមានការភ្ញាក់ផ្អើលជាខ្លាំង។ ដោយតារាស្រីរូបនេះ បានប្រកាសថា ខ្លួនបានហក់ចូលវិស័យភាពយន្ដហូលីវូដជាមួយតារាអន្តរជាតិល្បីៗជាច្រើន។

មិនតែប៉ុណ្នោះ Yunjee ថែមទាំងបានចូលរួមបង្ហាញវត្តមាននៅក្នុងកម្មវិធីបើកសម្ភោធរឿងបែបហូលីវូដ ជាមួយនឹងតារាល្បីៗលំដាប់ជួរមុខដូចជា លោក Kevin Hart ទៀតផង។ បើទោះបីជានៅក្នុងវិស័យរឿងភាគកូរ៉េ រូបនាង សម្ដែងជាតួអង្គបន្ទាប់បន្សំក៏ពិតមែន ប៉ុន្ដែនៅក្នុងរឿង Lift ដែលជារឿងហូលីវូដដំបូងរបស់នាង គឺជាតួអង្គសំខាន់។

លើសពីនោះ Yunjee ហាក់មិនសូវទទួលបានការគាំទ្រ ប្រជាប្រិយភាព សមនឹងសមត្ថភាពសម្ដែងរបស់នាងនោះទេ មហាជនសង្ឃឹមថា ការបង្ហាញវត្តមានក្នុងវិស័យអន្តរជាតិលើកនេះ នឹងទទួលបានជោគជ័យសមនឹងអ្វីដែលរូបនាងបានខិតខំកន្លងមក៕

ប្រភព៖ Koreaboo