យល់ដឹង៖ តើអ្នកមានដែល ចាប់អារម្មណ៍ឃើញ ដែលទេថា តារាភាពយន្ត ភាគច្រើន នៅពេលដែល ពួកគេចាប់ផ្តើម ថើបគ្នាពួកគេក៏ តែងតែបិទភ្នែក ដែរឬទេ? ហើយប្រសិនបើមាន អ្នកណាដែល ថើបគ្នាហើយ បើកភ្នែកយើង អាចប្រហែលជា ចម្លែកចិត្តទៅវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមការពិតទៅ នេះជាទម្លាប់នៃ មនុស្សម្នាក់ៗ តែមិនទាំងអស់ទេ ក្នុងនោះចំណោមនោះ ក៏នៅតែមាន មនុស្សមួយចំនួន ក៏ពួកគេនៅតែបើកភ្នែក នៅពេលដែល ថើបគ្នាដែរ។ ក៏ប៉ុន្តែ មនុស្សភាគច្រើន ទម្លាប់បិទភ្នែក នៅពេលដែល ពួកគេថើបគ្នា មូលហេតុចម្បងមួយ ដែលពួកគេបិទភ្នែក ពេលថើបគ្នាគឺ ដើម្បីបង្កើនអារម្មណ៍ រ៉ូមែនទិក។
យោងតាម ការសិក្សាដោយ អ្នកចិត្តវិទ្យាជាច្រើន បានឲ្យដឹងថា នៅអំឡុងពេល ថើបប្រសិនបើពួកគេ បើកភ្នែកមើលមុខគ្នា ហើយឃើញមនុស្សឬ សកម្មភាពដែល នៅជុំវិញខ្លួនច្រើនពេក នឹងធ្វើឲ្យអារម្មណ៍ របស់ពួកគេត្រូវបែងចែក ពិបាកក្នុងការទទួលបាន អារម្មណ៍រ៉ូមែនទិក នៃការថើបមួយនេះ ផងដែរ។ ហេតុនេះហើយ ទើបបានជា មនុស្សភាគច្រើន និងជាពិសេស តារាភាពយន្ត ពួកគេតែងបិទភ្នែក។
ខាងក្រោមនេះ ជាមូលហេតុបន្ថែមទៀត៖
១. ផ្តោតអារម្មណ៍បានល្អ
នៅពេលដែលថើបគ្នា ពួកយើងនឹងមាន គម្លាតជិតខ្លាំង ទៅកាន់ភាគីម្ខាងទៀត បិទភ្នែកអាចជួយ អ្នកឲ្យមានអារម្មណ៍ ពេញលេញក្នុងការថើប។ ជាពិសេសគឺ អារម្មណ៍ដែលទទួលបាន ពីការប៉ះពាល់ ផ្នែកផ្សេងៗនៃ រាងកាយគ្នា ទៅវិញទៅមក។
២. បិទបាំងការខ្មាស់អៀន
ការថើបគឺជា សកម្មភាពដែល ស្និទ្ធិស្នាលនិង ផ្ទាល់ខ្លួនបំផុតមួយ របស់មនុស្សម្នាក់ៗ។ បិទភ្នែក អាចជួយឲ្យ អ្នកជៀសផុតពី អារម្មណ៍គ្មានទំនុកចិត្ត លើខ្លួនឯងនិង អារម្មណ៍ខ្មាស់អៀនចំពោះ គ្នាផងដែរ។
៣. ជៀសវាងអារម្មណ៍ឆ្គាំងឆ្គង
ការបើកភ្នែក នៅអំឡុងពេល ដែលអ្នកថើបគ្នាគឺ ពិតជាមិនទំនងនោះទេ។ ព្រោះថា វានឹងធ្វើឲ្យដៃគូ របស់អ្នកមាន អារម្មណ៍ថាមិន ស្រណុកក្នុងខ្លួន។ លើសពីនេះ វិទ្យាសាស្ត្រក៏បាន ផ្តល់ជាភស្តុតាង បញ្ជាក់ថាបើអ្នក បើកភ្នែកវានឹងធ្វើឲ្យ អារម្មណ៍អ្នកច្របូកច្របល់ មិនអាចផ្តោតអារម្មណ៍ បានផងដែរ។
៤. ធម្មជាតិរបស់មនុស្ស
នៅពេលដែល មានមនុស្សម្នាក់ គេចង់ថើបអ្នក ធម្មជាតិអ្នកនឹង មានសកម្មភាព បិទភ្នែកដោយ ខ្លួនឯងតែម្តង។ អាចថាដើម្បី បញ្ឈប់អារម្មណ៍ភ័យខ្លាច និងបង្ហាញការយល់ព្រម។ វាប្រៀបដូចជា ប្រសិនបើអ្នក សាកដាក់ការសែត មកនៅជិតភ្នែក របស់អ្នក ច្បាស់ណាស់ថា អ្នកប្រាកដជា មានអារម្មណ៍មិនស្រួល ហើយមើលរូបភាព ទាំងនោះ មិនច្បាស់ទេមែនទេ? ហេតុនេះ ភ្នែកយើងមិនអាច ផ្តោតលើអ្វី បានល្អនោះទេ បើវានៅជិត នឹងយើងពេក ដូច្នេះហើយ ទើបបានជា មនុស្សភាគច្រើន មានទម្លាប់បិទភ្នែក នៅពេលដែលគេថើបគ្នា៕
Bong I.T